♡｡yankiﻬஐ's profile❤"yａňKī"の亂糟糟`雜事儲-ﻬஐPhotosBlogListsMore  |  Tools Help |
|
March 05 乱笼之日今个星期六都算“累”人日咯！早几日，表姐一个电话到， 问我星期六得唔得闲,我见自己无事做,咪口快快应承左距离,话得咯! 甘到左星期六就顺理成章甘陪表姐去左行街啦！果日我地行完流前，买左台新机, 又去左行上九,其实系上九,表姐就买左对鞋,咩都无买到, 所以今日都算麻木甘行咯,而我又无乜购物欲喔,之后表姐朋友一个电话到， 然后又同左距去KTV，去到成班,无个识既,整完个简单既自我介绍之后, 大家就坐埋一齐斗K过啦!虽然个K房好细,不过好多人,好热闹! 其实无得唱果阵都好鬼闷下噶,之前我话左唔去,表姐又死拉我去, 唉..可能我无乜坚持原则咯!结果都系陪左距去K, K完之后,仲去埋宵夜,真系"累"吖!因为玩得太夜, 无晒公车,甘表姐为左我既人生安全,结果都陪我打的翻归咯! (唉..总算你有D良心喇!)今次打的,好便,三个人,有个人我地唔识噶,不过因为同路, 所以搭口同人一齐摊分翻D的士费,依家D甘市道,悭D好既! 所以一人五蚊就翻到屋K门口啦!记得上次打的翻一个人都要13鸡啦,哩次第一遇到个好司机, 所以收便左,其次就系遇到同路中人,否则我同表姐摊分果15鸡,我都系觉得贵!
PS:星期六系M记食野,算系得到D不义之财,哈哈..果D不义之财,系非一般既钱银不义啊! 系度就得我知表姐知好啦!哈哈..因为太搞野啦!唔好意思系度公布! March 01 韶关之旅 "冻"呢种鬼天气,几时先识"走"啊?
最憎冻冰冰既天气嘎喇,你话过年冻就有D气氛者, 家阵都入春啦,仲甘鬼冻做乜先得嘎?唉...最死既系...仲落埋雨wor?可恶啊~~~ 上星期六、日去左韶关两日游！游左仁化县城既丹霞山，南雄市既珠玑巷，曲江县既南华寺...
讲真吖，星期六去果日好杀景噶，一路坐车就一路路雨..唉..心谂今次都唔方会好玩噶喇! 由于落好大既雨...甘岩我地要去既旅游景点系丹霞山wor?我晕...原本想话爬下个山都唔得喇,甘鬼大雨,点爬吖?过左韶关果条咩大宝山隧道之后...大概唔知过左有无一个钟头,就有位自大狂上车玩自我介绍啦!(条友一上车就自我介绍,何志坚wor..仲要系人称"才貌相全"既导游仔wor..其实原本我都无乜点留意哩条友噶,因为我坐得都算后,自己迟起身,所以霸唔到个靓位咯!唉...都算黑仔噶啦!但听到距甘博命赞到自己天上有地下无果只wor?紧要及下距有几靓仔嘎,一望....唉...不外如是者,正一吹水佬一个...等我仲以为今次旅游就算无旅游既mood都可以有眼福吖...而且听到距把声未家到距个样果阵,我仲系度谂紧乜今次旅游团整个靓仔导游上车甘好啊?呵呵..莫非系想等我呢个失恋人士黎翻次旅游艳遇?一望..唉..随不知甘噶死样既..失望啊..) 去到果边之后,就系山脚下面果间唔知乜餐厅食野咯!讲真吖,去到果边都已经成点几两点噶啦,阴功..饿到我啊!食完晏昼果餐,我地首先就去左坐游艇,游锦江..观丹霞两岸既风景,其实落住雨,咩都睇唔得清,呢part都有D无聊嘎!不过点都好过系部旅游吧度"吽"既,而且今次坐游艇可以睇到"锦岩飞瀑"听个导游仔讲,唔系甘易见到噶!所以我地都算好彩甘话wor...距仲话距来果丹霞甘多次都系第一次见到呢跳锦岩飞瀑噶咋!呵呵~~如果系甘就真系好彩咯!点都好啦,胜在哩次个导游仔都几识做,几多口水,讲野都算有D幽默..所以先无闷亲我咋!
兜左转运之后就翻埋岸啦!然后导游仔就带左我地去爬山,原本见到甘既死人落雨天都话唔爬就算噶啦,后尾妈子话爬wor?好..甘我就当陪下距,一齐爬咯!点知个妈叮叮甘鬼无用噶,爬到去第一个休息亭就叫庋啦wor? 然后我咪自己一只栏爬咯!第一次爬丹霞...初初感觉都无乜既,点知往后爬,原来真系都几险噶,D石级都几有难度噶!由于时间关系,我爬到果个"别传婵寺"就返程啦!因为旅游车唔等人噶!而且落住雨,耽住遮既我都唔想爬啦!你话如果无落雨,时间允许既话,我真系好想爬到上最顶架,因为听个导游仔讲,有个位直角90度既"丹梯铁索"超难爬噶!所以我想挑战下自己噶!而且我好想系丹霞山个观日亭睇日落.(观日亭可以观日都应该可以观落挂?)...不过想还想...以今日甘既天气加行程系无可能满足到我呢D愿望既,所以我要死心,等下次自己来既时候先慢慢欣赏过咯! 然后我地就去咗拜果条野(阳元石),导游仔话呢条野被誉为“天下第一奇石”、“天下第一绝景”噶wor??行左几百米..终于睇到条野啦..晕..乜叉怪石...果然够巨啊...据说有好多人摆过呢条野都生仔噶wor??呵呵~~几搞!有阳就必有阴..不过我地无去睇旧阴..(而且都无必要去睇啦!自己无咩?无聊..)
之后入住迎宾馆....食晚饭..行果附近既步行街..(衫大把得买..不过无岩我心水甘解)..之后就返宾馆过夜.一觉训醒....食早餐咯!依间野D早餐都可以下,不过上得太慢..结果起程迟左..奇怪..今日既天气居然甘好..唉..琴日系甘就好咯....
之后我地就去左珠玑巷寻根问祖..睇完"胡妃塔"之后..我就去左宗氏祠堂(我姓林噶,紧系去稳林家祠啦!)同妈叮点左D香,捐左D钱,拜过下就走人啦!之后就去食午饭,果间野D送一般..我无乜胃口~~食左好小!然后去左南华寺拜神...首先跟住个导游妹由头行到落尾..(据距地介绍话要行到最尾.去卓锡泉洗过只手先拜甘止灵噶wor!)我对呢D野就半信半疑既,所以同妈叮都拜匀全部咯!唉..拜完都几庋下噶,结果行翻出去买左D手信就返广州啦!啊./...又要系旅游吧度"吽"啦!郁闷啊~~~
基本上呢几日就甘过噶啦
各国“我爱你”之完全版德语：Ich liebe dich
|
|
|
